“Böyük Dəbilqə” seriyalı turnirlərdə 20 dəfə qalib olmuş Rocer Federer Avstraliya açıq tennis yarışında yeni rekord müəyyənləşdirib.
Belə ki, Melburn turniri 38 yaşlı isverçəlinin karyerasında 21-ci olub. Buna qədər Federer bu rekordu avstraliyalı Lleyton Hüittlə bölüşürdü. O, “Australia Open”in ilk mərhələsində amerikalı Stiv Consonsu məğlub edib – 6:3, 6:2, 6:2. Federerin 2004, 2006, 2007, 2010, 2017 və 2018-ci illərdə, yəni 6 dəfə sözügedən turnirin qalibi olduğunu xatırladaq.
Bu cəhətdən rekordçu isə turnirdə 7 dəfə 1-ci yeri tutmuş serbiyalı raketka ustası Novak Cokoviçdir.