Yaponiyanın maliyyə naziri Taro Aso Tokio olimpiadasının lənətləndiyini söyləyib.
Dövlət rəsmisi çıxışlarından birində Yay Olimpiya Oyunlarının tarixinə nəzər salaraq, belə halların 40 ildən bir təkrarlandığını söyləyib. O, 1940-ci ildə Tokio olimpiadasının II Dünya Müharibəsinə görə baş tutmadığını, 1980-ci ildə isə Moskvadakı Olimpiya Oyunlarının SSRİ ilə soyuq müharibə şəraitində olan dövlətlər tərəfindən boykot edildiyini xatırladıb. 40 ildən sonra yenə də Tokioda Yay Olimpiya Oyunları təhlükəyə düşüb.
