Holifild Taysonla döyüşməyə hazırdır

15 May, 11:39 Sosial mediada paylaşın:
Son günlər dünyanın idman ictimaiyyəti Evander Holifildlə Mayk Taysonun yenidən döyüşmək ehtimalını müzakirə edir. Belə ki, hər iki boksçu pandemiya ilə mübarizədə xeyriyyə məqsədi ilə rinqə çıxmaq fikrindədir. Bununla bağlı tərəflərin konkret razılığı olmasa da,onlar etiraz da etməyiblər.
Mayk Taysonla Evander Holifild arasında döyüş təşkil olunsa, bu bəlkə də 2020-ci ilin ən böyük idman hadisəsi olacaq. Futbol üzrə Avropa çempionatı və Olimpiadanın təxirəsalındığı bir mövsümdə bu tədbir azarkeşlər  üçün əsl idman bayramı  ola  bilər.Artıq hər iki  boksçu  mətbuata açıqlamasında belə bir görüşün  əleyhinə olmadığını söyləyib. Ağır çəkidə sabiq dünya çempionu Evander Holifild  bu günlərdə Amerika mətbuatına müsahibəsində ehtimal olunan döyüş haqda fikirlərini bölüşüb: “Bu görüşün baş tutması üçün əlimdən gələni etməyə hazıram. Bəli, mən Taysonla qarşılaşmaq istəyirəm. 57 yaşda da bu missisyanın öhdəsindən gələ bilərəm.Maykı məğlub etmək gücündəyəm. Söhbət bu döyüşdə heç də kimin qalib gələcəyindən getmir. Biz sadəcə insanlara dövrün ən dahi boksçuları olduğumuzu göstərmək istəyirik. Mən yaxşı anlayıram ki, Mayk da indi çoxlu  təklif  alır. Bizim ikimiz də eyni vaxtda karyeramızı bərpa etmək istəyimizi bildirmişik.Güman edirəm ki, boks həvəskarları məhz bizim aramızdakı döyüşü arzulayır”.Xatırladaq ki, bu iki boksçu 1996 və 1997-ci illərdə qarşılaşmışdı. Hər iki döyüşdə Holifild qalib gəlmişdi. Əvvəlcə  Evander rəqibini nokautla məğlub etmişdi. İkinci görüşdə isə Tayson onun qulağını dişlədiyindən  diskvalifikasiya olunmuş və nəticəsdə qəlıəbə Holifildə verilmişdi. 

CANLI YAYIM