Azərbaycan boksçuları Avropa Olimpiya təsnifat turnirini üç medalla başa vurublar.
Xəbər verilir ki, boksçumuz Alfonso Dominqes (81 kq) turnirin qalibi olub. Millimizin üzvü döyüşə çıxmadan çempion tituluna yiyələnib. O, britaniyalı rəqibi Benjamin Uitakerin final qarşılaşmasından imtina etməsi sayəsində çempion elan edilib. Yığmamızın digər üzvləri Lorenzo Sotomayor (69 kq) və Məhəmməd Abdullayev (+91 kq) isə bürünc medallara sahib olublar.
Turnirdə qazanılan lisenziyaların sayına görə, komandamız ümumi hesabda üçüncü yeri tutub.
Qeyd edək ki, Azərbaycan millisinin heyətində Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (81 kq) və Məhəmməd Abdullayev (+91 kq) Olimpiadada iştirak hüququ qazanıblar.