“Qalatasaray”da zədəlilər sırasına daha bir futbolçu qoşulub.
 
Komandanın aparıcı üzvü Florin Andonenin minimum 10-12 həftə yaşıl meydanlardan uzaq qalacağı bildirilib.
 
Klubun rəsmi saytı məlumat yayıb ki, Türkiyə Superliqasının 11-ci turunda səfərdə “Qaziantep”lə matçın (2:0) 11-ci dəqiqəsində zədələnərək meydanı tərk edən 26 yaşlı hücumçunun diz bağlarında yırtıq aşkarlanıb.
 
Rumınyalı forvard bu mövsüm “aslanlar”ın heyətində ümumilikdə, 9 oyunda 2 qol vurub.
 
Qeyd edək ki, Andonedən əlavə, Radamel Falkao, Əmrə Akbaba, Şənər Özbayraklı və Yunes Belhanda da zədə səbəbindən komandasına kömək edə bilmir.